Sorensen pas takimit me Vuçiq: Normalizimi i marrëdhënieve Kosovë-Serbi, i rëndësishëm

I dërguari special i BE-së për dialogun midis Kososvës dhe Serbisë, Peter Sorensen ka deklaruar se normalizimi i marrëdhënieve mes dy vendeve është shumë i rëndësishëm.

Me një reagim në rrjetin social X, pas takimeve të zhvilluara një ditë më parë (26 gusht) në Beograd, Sorensen bën me dije se bisedimet e zhvilluara me Vuçiq, vijnë mnë kuadërtë përgatitjeve për takimet e ardhshme në kuadër të dialogut.

“Pas vizitës sime në Prishtinë në fillim të gushtit, sot isha në Beograd për bisedime përgatitore për takimet e ardhshme në kuadër të dialogut. I dëgjova me kujdes bashkëbiseduesit e mi dhe theksova rëndësinë e normalizimit për hir të njerëzve në terren”, ka theksuar Sorensen.

Nga ana e tij, Vuçiq vuri në dukje rëndësinë e kthimit të dialogut te detyrimi për të formuar Bashkësinë e Komunave Serbe dhe për të mbrojtur të drejtat e serbëve.

“Vendosa në dukje se është thelbësore që dialogu të kthehet te parimet themelore mbi të cilat është bazuar, para së gjithash, detyrimi për të formuar Unionin e Komunave Serbe, si dhe mbrojtja e të drejtave të qytetarëve tanë në Kosovë”, tha Vuçiç.

/rtsh.al/