UKRAINË – Agjencitë e antikorrupsionit bastisin zyrat e partisë së ish-kryeministres
KIEV, 14 janar /ATSH-DPA/- Hetuesit e autoriteteve antikorrupsion të Ukrainës lëshuan sot një njoftim pezullimi për një anëtare të “Partisë Atdheu” të ish-kryeministres Yulia Tymoshenko, pasi kontrolluan zyrat e saj.
Byroja Kombëtare Antikorrupsion (NABU) dhe Zyra e Prokurorit të Specializuar Antikorrupsion (SAP) thanë se njoftimi ishte lëshuar për drejtuesen e një grupi parlamentar, pasi dyshohet se ka ndikuar në votat e grupeve të tjera parlamentare me pagesa në para të gatshme.
Nëse dënohet, ajo përballet me deri në 10 vjet burg.
“Më shumë se 30 policë të armatosur deri në dhëmbë pushtuan në mënyrë efektive ndërtesën pa paraqitur asnjë dokument dhe morën peng punonjësit”, tha Tymoshenko pas bastisjes.
“I hedh poshtë fuqimisht të gjitha akuzat absurde”, shtoi ajo.
Tymoshenko tha se telefonat, dokumentet parlamentare dhe kursimet personale ishin sekuestruar sekuestruan.
Ajo kryeson grupin parlamentar të Partisë Atdheu, i treti më i madh në parlament me 25 ligjvënës.
Korrikun e kaluar ajo kritikoi NABU-në dhe SAP-in si instrumente të kontrollit të huaj mbi Ukrainën.
Timoshenko shërbeu si kryeministre në vitin 2005 dhe nga viti 2007 deri në vitin 2010 dhe ka formësuar politikën ukrainase për shumë vite.
Vitet e fundit 65-vjeçarja dështoi tre herë në zgjedhjet presidenciale.
Midis viteve 2011 dhe 2014 ajo u burgos pas një dënimi për shpërdorim detyre.
Në atë kohë, procedurat kundër Timoshenko u kritikuan ndërkombëtarisht, konsideruara si politikisht, te motivuara. //a.i/