Vlorë/ Dyshohet se ngacmoi seksualisht 7 nxënëse në shkollë, ndalohet mësuesi

Aktualitet | 6 minuta më parë

Një mësues i edukimit fizik në shkollën “Hajredin Beqaraj”, në Selenicë të Vlorës, është ndaluar nga policia, pasi dyshohet se ka ngacmuar seksualisht 7 nxënëse të mitura, të moshave 14–17 vjeçe.

Sipas informacioneve paraprake, mësuesi, me inicialet A. A., 35 vjeç, dyshohet se u ka dërguar mesazhe dhe i ka ngacmuar verbalisht vajzat, si në ambientet e shkollës, ashtu edhe përmes komunikimeve me shkrim.

Mësohet se nxënëset kanë denoncuar rastin fillimisht pranë drejtorisë së shkollës, ndërsa më pas Zyra Arsimore Selenicë ka njoftuar Policinë, e cila ka ndërhyrë duke bërë ndalimin e 35-vjeçarit.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.