100 vjet pavarësi, BSH prezanton historinë e lekut
86-vjetori monedhës kombëtare shqiptare i është bashkuar këtij viti jubilar të 100-vjetorit të pavarësisë me një aktivitet të ndryshëm kushtuar fëmijëve dhe të rinjëve me qëllim ndërgjegjësimin e tyre, lidhur me historinë dhe vlerat e monedhës kombëtare ndër vite.
Nëpërmjet materialeve të shkruara dhe audio-vizive fëmijet u njohën me historinë dhe funksionet e parasë, si mjet pagese si edhe elementët e sigurisë së kartmonedhave dhe simbolikave të tyre.
Kartmonedhat aktuale përfshijnë këto periudha, kartmonedha 2000 lekëshe përfaqëson epokën ilire me portret Mbretin ilir Genti, kartmonedha 5000 lekëshe përfaqëson periudhën e Skëndërbeut me portretin e tij, ajo 1000 lekë përfaqëson mesjetën me portret Pjetër Bogdanin.
Kartmonedha 200 lekë përfaqëson Rilindjen me portret të Naim Frashërit, ajo 500 lekëshe përfaqëson pavarësinë me portret Ismail Qemalin.