11 mijë të evakuuar si pasojë e zjarreve në Kolorado

Një zjarr pyjor i cili po zgjerohet në shtetin amerikan Kolorado, nxiti evakuim të 11 mijë personave nga Kolorado Springs dhe disa qytet të tjera.

Zjarri është njëri prej 20 zjarreve, të cilat në mënyrë të pakontrolluar po digjen në shtetet federale amerikane, kryesisht në pjesën perëndimore të ndihmuara nga erërat e fuqishme dhe temperaturat e larta. Në shtetin fqinj Utah, për shkak të zjarreve janë evakuuar 2500 persona.

Sipas disa personave zyrtarë, nga Manitu Springs janë evakuuar 6200 persona. Autoritetet amerikane urdhëruan braktisjen e Grin Mauntain Fols, parkun Çipita dhe Kakejd. Nuk ka objekte të dëmtuara në këtë rajon.

Zëdhënësi i rajonit El Paso theksoi se zjarri po digjet në 3.2 kilometra, nga rrëza e majës Pike dhe ky është sipas shumë vlerësimeve mali më i vizituar në Amerikën Veriore.

Zjarrfikësit po tentojnë që të lokalizojnë edhe një zjarr të madh në perëndim të vendit, në Fort Kolins, i cili që nga shpërthimi prej para dy javësh e deri më tani ka shkatërruar 248 shtëpi. Në një zjarr tjetër në Kolorado janë shkatërruar 21 objekte.