‘Amour’, filmi më i mirë evropian
Filmi “Amour”, i regjisorit austriak, Michael Haneke, ka rrëmbyer disa nga çmimet e Filmit Evropian.
Në ceremoninë e mbajtur në Maltë, “Amour” ka fituar çmimin e filmit më të mirë, atë të regjisorit më të mirë, të aktores dhe aktorit më të mirë.
Prodhimi i përbashkët francez, gjerman dhe austriak, fokusohet në një çift të moshuar, Anne dhe Georges, me një vajzë që jeton jashtë vendit.
Anne vuan nga një sëmundje që paralizon gjysmën e trupit të saj. Filmi bazohet në një situatë që ka ndodhur në familjen e regjisorit Haneke, raportojnë mediat botërore.
Këtë vit, filmi “Amour” ka fituar çmimin kryesor ‘Palma e Artë’ në Festivalin e Filmit në Cannes.