22 akuza për ushatarin i cili i dha dokumentat Wikileaks-it

Bredlli Mening, ushtari amerikan që ka furnizuar me dokumente të qeverisë së Shteteve të Bashkuara Wikileaks-in do të përballet me 22 akuza.

Akuzat për 24-vjeçarin përfshijnë ndihmën për armikun, e cila mbart dënimin maksimal me burgim të përjetshëm.

Mening akuzohet se ka furnizuar Wikileaks-in me më shumë se 700,000 raporte ushtarake nga Iraku dhe Afganistani, si dhe dokumente sekrete të SHBA-së, gjatë kohës sa ka shërbyer në Irak, përkatësisht në periudhën nëntor 2009 – maj 2010.

Rrjedhja e dokumenteve ka hedhur dritë mbi vdekjet e civilëve dhe ka krijuar tensione diplomatike për qeverinë e Shteteve të Bashkuara, e cila ka thënë se një gjë e tillë ka kërcënuar sigurinë kombëtare.

Data e nisjes së gjykimit të Meningut nuk është caktuar ende.