33 vjet burgim për vrasjet te Ura e Lepencit
Nga Express më 07 shkurt 2011 në ora 19:47
Gjykata e Qarkut në Prishtinë ka shpallur fajtorë për vrasje të akuzuarit Besnik Hasani dhe Shpend Qerimi.
Më 27-28 shtator 2007, tek Ura e Lepencit afër fshatit Soponicë, ata i kishin zënë pritën një automjeti me pesë udhëtarë dhe kanë shtënë në drejtim të tyre nga dy armë automatike AK 47, thuhet në vendim.
Si pasojë, tre udhëtarë humbën jetën, i katërti pësoi lëndime të rënda, ndërsa i pesti nuk pësoi lëndime trupore.
Hasani dhe Qerimi u dënuan me nga 33 vjet burgim, thuhet me tjerash në njoftimin nga EULEX-i.
Prokuroria është përfaqësuar nga një prokuror vendas i Prokurorisë Speciale të Kosovës.