556-vjetori i vdekjes së Skënderbeut- Kryegjyshi botëror: Bektashizmi ka vendosur atdheun mbi fenë

Me rastin e përvjetorit të vdekjes së Heroit Kombëtar Gjergj Kastrioti, në Akademinë e Shkencave në bashkëpunim me Kryegjyshatën Botërore të Bektashinjve u organizua një kumtese për të rritur ndërgjegjësimin e të gjithëve për sakrificat që ka bërë Skendërbeu për atdheun e tij duke shtuar thirrjen për të rinjtë që të mos largohen nga vendi.

“Përkujtojmë Heroin tonë i cili i tregoi botës se një komb i vogël që lufton për liri, paqe e drejtësi mund të fitojë edhe kundër një perandorie të madhe. Ai na ka frymëzuar për të punuar për kombin. Ju kujtojmë të gjithë shqiptarëve që të mos largohen nga vendi i bukur që ai e mbrojti me gjak”, u shpreh Kryegjyshi Botëror.

Kryegjyshi Botëror i Bektashinjve, Shenjtëria e Tij, Haxhi Dede Baba Edmond Brahimaj, theksoi se kjo ditë përkujton edhe 103- vjetorin e Kongresit të parë Bekteshi në Teqenë e Priskes në Skrapar.

Në këtë aktivitet u promovua kolana: Të veprave të Baba Ali Tomorrit, përgatitur nga Mehmet Gëzhilli.

Gazetare: Amela Koçerri

/rtsh.al/