Privatizimi i ish-fabrikës “Buka”, shtyhet seanca për Ahmetajn

Gjykata e Posaçme ka shtyrë seancën për rastin e privatizimit të ish-fabrikës “Buka”. Seanca do të zhvillohet më 2 shkurt, ndërsa shkak për shtyrjen u bë kërkesa e avokatëve të Ahmetajt për kthimin e akteve për hetim nga SPAK. 

Privatizimi i ish-fabrikës “Buka” është një tjetër akuzë po rëndon mbi supet e ish zv- kryeministrit Arben Ahmetaj i ndodhur në arrati. Prokuroria e Posaçme e akuzon Ahmetajn për “shpërdorim detyre”.

Vepra përkon me kohën kur Ahmetaj ushtronte funksionin e ministrit të Financave dhe që sipas organit të akuzës dyshohet të ketë hedhur firmën për privatizimin e fabrikës, si pronë e shtetit ndërkohë që me vendim gjykate prona i kishte kaluar një familjeje nga Tirana.

Ahmetaj ka hedhur poshtë pretendimet e SPAK, duke akuzuar për një drejtësi të korruptuar. Krahas Ahmetajt për këtë privatizim që sipas SPAK ka shkaktuar dëm në miliona euro në buxhetin e shtetit   po hetohen edhe 12 persona të tjerë me tyre ish sekretari Përgjithshëm i Ministrisë së  Financave  dhe biznesmeni Lirim Fezollari.

/rtsh.al/