6 herë kampion, shahisti Pasku: “Mati” më i njohur, loja me 4 lëvizje

Landi Pasku është një nga sportistët që ka mbajtur lart flamurin shqiptar në shah. Pasku ka qenë 6 herë kampion. Mjeshtri i shahut profesionist ka bërë krenar çdo shqiptar. Landi Pasku është trainier i ekipit ”Tirana” dhe profesor shahu në disa shkolla të kryeqytetit.

I ftuar në studion e emisionit “Jetë Shqiptare” në RTSH , kampioni i shahut Pasku u shpreh se fitorja më e shpejtë është ajo me 4 lëvizje është formati më i njohur. Për më tepër Pasku u shpreh se loja e shahut ndihmon fëmijët të jenë më të përqendruar dhe të durueshëm.

“Fitorja më e shpejtë ka qenë me 4 lëvizje, që është “mati” më i njohur që dhe dashamirësit e shahut e dinë dhe e pëlqejnë. Shoh shumë interes tek fëmijët e vegjël, disa prindër i sjellin edhe për mungesë përqendrimi, mungesë durimi dhe si pasojë shahu i ndihmon shumë”, u shpreh shahisti.

/rtsh.al/