91 vjeçarja që fle dhe zgjohet mbi libra

Që prej viteve 40-ë, 91 vjeçarja Louise Brown, ka huazuar deri në 12 tituj në javë nga biblioteka e lagjes. Asaj nuk i është dashur të paguajë ndonjëherë gjobë për kthimin e librave në afat. Punonjësit e bibliotekës besojnë se bëhet fjalë për një rekord skocez.

Zyrtarët e pushtetit lokal në Dumfries dhe Galloway kanë thënë se janë të interesuar të kontaktojnë me këdo që mund të thyejë rekordin e zonjës Brown.

Janice Goldie, menaxhere për shërbimet kulturore në rajon, tha se deri më tani nuk kishin dëgjuar për dikë që mund t'i afrohej rekordit të 91 vjeçares.