AAK: Jo koalicion me Thaçin

Nënkryetari i AAK-së, Ahmet Isufi ka hedhur poshtë shkrimet e mediave kosovare, se AAK po hyn në koalicionin e Hashim Thaçit. Pas mbledhjes së kryesisë, Isufi ka thënë se kjo çështje as që është diskutuar në AAK. Lajmi për hyrjen e mundshme në koalicion erdhi pas vizitës së djeshme të ambasadorit amerikan, Dell në AAK.
 

Edhe kryetari i Kuvendit, njëherësh sekretari i përgjithshëm i PDK-së, Jakup Krasniqi ka thënë se nuk është në dijeni nëse ka ndryshime në koalicion, por sipas tij, gjithçka po shkon sipas planit dhe po funksionon normalisht.