AKU bllokon mbi 43 mijë tonë produkte ushqimore të pasigurta

Autoriteti Kombëtar i Ushqimit njoftoi se, gjatë muajit mars janë  kryer në shkallë vendi 2903 inspektime në subjekte të ndryshme tregtare, nga drejtoritë rajonale të AKU-së dhe 6883 kontrolle në pikat e kalimit kufitar.

Sipas AKU-së, inspektorët kanë marrë 776 mostra për analiza dhe kanë kryer 1774 analiza laboratorike, për standardet dhe sigurinë ushqimore të produkteve.

Nga kontrollet e kryera, për shkeljet e konstatuara AKU ka dhënë në total 31 masa administrative gjobë, që kapin vlerën e 4.7 milionë lekëve.

AKU njoftoi se gjatë këtij muaji ka asgjësuar dhe bllokuar mbi 43 mijë tonë produkte me origjinë shtazore dhe joshtazore, pasi kanë rezultuar jashtë standardeve për konsum.