AMF: Sigurimet, gabime ne llogarite per demshperblimet Eglantina Nasi
Vleresuesit e pavarur te demeve ne sigurime, jo rralle gabojne ne perllogaritjen e demshperblimit per klientet e demtuar, sipas kontrates se detyrueshme me kompanite e sigurimeve. Nje fakt i tille duket se e ka vene re edhe vete Autoriteti i Mbikeqyrjes Financiare, institucioni qe licencon dhe mbikeqyr veprimtarine e tyre dhe gjate nje takimi te zhvilluar me nje perfaqesi te tyre, kryetarja e ketij institucioni, Enkeleda Shehi, ua ka permendur kete problematike. Sipas saj, abuzimet prej vleresuesve te pavarur te demeve ne sigurime, kryhen pikerisht ne metodat qe ata zgjedhin per te perllogaritur demshperblimin qe nje klienti i takon sipas kontrates se sigurimit te detyrueshem. Per kete arsye, Shehi tha se ndaj disa vleresuesve jane marre edhe disa masa ndeshkimore administrative. Duke e cilesuar si nje profesion relativisht te ri ne tregun shqiptar te sigurimeve, ate te vleresuesit, kryetarja e AMF-se tha se paraqitet me shume rendesi zbatimi i praktikave profesionale qe e rregullojne ate. Me tej, ajo e la te hapur mundesine qe tregu dhe profesionistet e kesaj fushe te sjellin propozime te metejshme per udhezues konkrete qe te tilla gabime ne perllogaritje, te mund te shmangen. Nderkaq, behet me dije se gjate takimit, u fol edhe per rastet kur vleresuesit e pavarur, thirren si eksperte nga Gjykata per konstatimin ose sqarimin e ngjarjeve, te cilat kerkojne njohuri te posacme ne fushen e vleresimit te demeve. Ne te tilla raste, Autoriteti i Mbikeqyrjes Financiare komunikoi se ka nevoje per rregullime te reja ne lidhje me trajtimin qe u behet kerkesave per demshperblim nga kliente te ndryshem te demtuar. Gjithashtu, AMF ben me dije se eshte ne komunikim te vazhdueshem edhe me gjykatat, Keshillin e Larte te Drejtesise dhe Ministrine e Drejtesise per t'i orientuar si duhet gjyqtaret mbi trajtimin e ceshtjeve gjyqesore qe lidhen me shperblimin e demeve nga kontratat e sigurimit. Nderkaq, kujtojme se me ane te nje vendimi te dhene ne shkurt te ketij viti, Gjykata Kushtetuese, ka marre persiper zgjidhjen e konflikteve qe lindin fushen e sigurimeve duke konkluduar se ligji ekzistues i vitit 2009 "Per sigurimin e detyrueshem ne sektorin e transportit", nuk ka ndonje mangesi ne rregullimin e tyre dhe se ai duhet te merret per baze edhe ne te ardhmen.