Abonete e reja, nga e hena ne treg

Nga dita e hene, banoret e kryeqytetit do te perdorin abone te reja per te qarkulluar me linjat e transportit urban ne kryeqytet. Pas problemeve te hasura ne Tirane, ku jane shitur abone te nje linje transporti jashte qytetit me vleren e atyre urbane, Tatim- Taksat kane vendosur te hedhin ne treg modele te reja kartelash pajtimi mujor. Pikerisht per kete arsye, dje, nenkryetari i Bashkise se Tiranes, Eduart Shalsi, zhvilloi nje takim me drejtorin e Pergjithshem te Tatimeve, Arben Sefgjini. Ne qender te takimit ka qene gjetja e nje zgjidhjeje institucionale, lidhur per kete problem, si dhe eliminimi i shitjes se tregun e zi te kartelave te pajtimit mujor.
Ne abonete e reja qe do te hidhen ne tregun e kryeqytetit, pervec elementeve te sigurise do te shkruhet Bashkia Tirane. Kjo per shkak te eliminimit te shitjeve nga operatore te tjere te kartelave te pajtimit mujor, qe nuk vlejne per udhetimet brenda qytetit. Lidhur me kete mase, nenkryetari i Bashkise se Tiranes, Eduart Shalsi, deklaroi dje se, "megjithese nuk kemi asnje pergjegjesi ne prodhimin e aboneve, i kerkuam drejtorit te Pergjithshem te Tatimeve te marre masa urgjente per te prodhuar abone te reja per Tiranen, krejtesisht te ndryshme nga ato te bashkive te tjera". Sipas tij, kjo behet qe te parandalohet abuzime me qytetaret. Nga dita e hene do te filloje shperndarja e aboneve te reja dhe qytetaret duhet te bejne kujdes ne blerjen e tyre dhe te marrin vetem ato, ku duhet te dallohet qarte pjesa ku shkruhet Bashkia e Tiranes.
Pas nje periudhe te gjate mungese ne treg dhe problemesh per qytetaret, me ne fund duket se situata po shkon drejt zgjidhjes. Duke filluar nga muaji nentor, qytetaret, qe perdornin transportin urban ne Tirane, jane perballur me mungesa te theksuara te kartelave te pajtimit mujor, duke u detyruar t'i blejne ne tregun e zi me dyfishin e cmimit. Keshtu, nje abone studenti, qe kushton 400 leke, eshte shitur ne treg 800 leke, nderkohe qe cmimi i te pergjithshmeve nga 800 arriti ne 1 mije leke.