Acari demton rrjetin, Tropoja pa energji

I ftohti polar "pushton" Veriun e vendit dhe jep pasojat e para. Reshjet e dendura te debores, te shoqeruara me stuhi ere, kane demtuar disa prej shtyllave dhe telave percjelles te energjise elektrike ne Tropoje. Qyteti po vuan prej dites se djeshme mungesen e energjise elektrike, ndersa specialistet jane vene ne levizje se bashku me Shtabin e Emergjencave per te normalizuar situaten e krijuar. Probleme te bllokimit te zonave rurale ka pasur edhe ne Kukes, Puke, Peshkopi dhe Bulqize. Mungesa e energjise ne qytetin e Bajram Currit ka nisur prej mbremjes se marte, ndersa nuk kane punuar as pompat e ujit te pijshem. Mesohet se po punohet per eliminimin e avarise se rende ne nenstacion, qe parashikohej te perfundonte ne oret e vona te mbremjes se djeshme. Reshjet e debores kane rene pergjate gjithe dites se djeshme me intensitet, duke veshtiresuar riparimin e rrjetit elektrik. Trashesia e debores ka shkuar deri ne rreth 50 cm dhe mbi 20 fshatra te rrethit tashme jane te bllokuara, kryesisht ne Lekbibaj dhe Margegaj. Kryekomunari i Margegajt, Rexh Biberaj, ne nje komunikim telefonik per mediat, ka bere me dije se edhe 10 turiste te huaj nuk mund te levizin pasi ndodhen ne zonen e Valbones. Probleme ne qarkullim per shkak te debores ka pasur edhe ne rrethin e Pukes, kryesisht ne vendin e quajtur "Kroi i Zojes" dhe ne Qafen e Malit. Policia ka keshilluar qarkullimin e mjeteve me zinxhire. Ne Diber situata ka nje permiresim per shkak te shiut qe ka shkrire deboren. Por probleme ka ne komunat e Ternoves, Lures dhe Bulqize. Kurse ne fshatin Dragu, dy banesa rrezikohen te shemben pas rreshkitjeve te tokes.