"Administrata e Bashkise, me detyrim ne greve dhe protesta"

Sipas prefektit, ka rene shume cilesia e sherbimit ne administraten qe eshte ne varesi te bashkise
Kreu i Prefektures se Qarkut Tirane, i kerkon kryetarit te Bashkise se Tiranes qe te mos detyroje administraten qe te dale ne protesta. Kjo kerkese vjen pas ankesave te vazhdueshme te qytetareve, qe sipas prefektit Kruja, pretendojne se eshte ulur ndjeshem cilesia e sherbimit ndaj tyre. Gjithashtu, prefekti i kerkon Rames edhe zhbllokimin e bulevardit kryesor, per shkak se qytetareve u eshte shkaktuar dem ne aktivitetet e tyre.
Administrata
"Detyrimi i administrates se institucionit qe ju drejtoni te marre pjese ne protesta apo edhe ne greven e urise, eshte nje veprim thellesisht antiligjor", thuhet shprehimisht ne letren qe Prefekti i Qarkut te Tiranes, Keltis Kruja, i ka derguar kreut te Bashkise se Tiranes. Ai e ka nisur letren me faktin se ne drejtim te prefektures kane mberritur shume ankesa prej sherbimit te cunguar qe ofron tani per tani administrata e Bashkise. "Kjo vjen si pasoje e perfshirjes se drejtperdrejte te kesaj administrate ne aktivitetet politiket organizuara nga Partia Socialiste, ndaj kerkoj nga ju marrjen e masave te menjehershme per permiresimin e cilesise se sherbimit ne Bashkine e Tiranes", i drejtohet Kruja, Rames. Ai ka nenvizuar se ky eshte nje veprim qe bie ne kundershtim me nenin 3 te ligjit "per rregullat e etikes ne administraten e shtetit", ku thuhet "Nepunesi i administrates publike duhet te veproje ne menyre te pavarur nga pikepamja politike e te mos pengoje zbatimin e politikave, te vendimeve ose te veprimeve ligjore te autoriteteve te Administrates Publike". Sipas Krujes, veprimtaria e nepunesit te administrates se nivelit vendor apo qendror eshte ndertuar dhe vepron mbi bazen e parimeve te profesionalizmit, te pavaresise dhe integritetit te paanesise politike, te transparences te sherbimit ndaj publikut , te pergjegjesise dhe zbatimit te legjislacionit ne pergjithesi.
Policia Bashkiake
Sa i perket detyrimit te administrates per pjesemarrje ne proteste, Kruja ka permendur edhe forcat e Policise Bashkiake. "Ju terheqim vemendjen mbi veprimet e policise bashkiake tirane, ne kundershtim me ligjin "Per organizimin dhe funksionimin e Policise Bashkiake dhe te Komunes dhe rregullores "TIP" ne zbatim te tij", i drejtohet prefekti kryetarit te Bashkise se Tiranes, duke permendur raste konkrete shkeljesh. Njera prej tyre, sipas prefektit ka te beje me raste te perseritura, ne mbeshtetje te protestave te subjektit "Partia Socialiste", ku eshte vene re prezenca e saj me uniforme. Nga ana tjeter Kruja kujton prezencen e Policise Bashkiake ne mitingun e Partise Socialiste, me 20 nentor 2009, apo edhe ne kongresin e Partise Socialiste. "Per me teper, e konsiderojme shkelje flagrante prezencen e Policise Bashkiake ne kryerjen e homazheve ne varrezat "Deshmoret e kombit" nga funksionare te Partise Socialiste me 5 maj", thuhet ne leter. Pikerisht per keto arsye, prefekti I Qarkut te Tiranes kujton se administrata e organeve te qeverisjes vendore nuk mund te perdoret per qellime te grupeve apo drejtuesve te ndryshem qe e perdorin duke tejkaluar kompetencat ligjore. "Ne menyre kategorike duhet te nderpriten veprimet arbitrare te kesaj strukture te cila bien ndesh me dispozitat ligjore ne fuqi", i drejtohet ai, Rames.
L.Ndoka