Administratori i CEZ, Dollapi: Situata energjetike do stabilizohet brenda dy muajve

“Brenda 2 muajve furnizim normal me energji elektrike”. Ka qenë ky premtimi i administratorit të ri të kompanisë CEZ shpërndarje Sahit Dollapi, në deklaratën e parë për mediat pas emërimit në këtë post.
Kreu i ri i CEZ shpërndarje ka theksuar se nën drejtimin e tij do të ketë ndershmëri në faturime dhe nuk do të ketë më ndërprerje kolektive të energjisë për qytetarët.
Sipas tij zgjidhja e vetme është kthimi i besimit të qytetarëve, gjë që i ka munguar kompanisë këto vite, pasi CEZ Shpërndarje ka patur një keq menaxhim dramatik dhe nuk u është kthyer përgjigje mijëra kërkesave për abuzime.