Aferdita Dreshaj distancohet nga lajmi për Diana Avdiun
Disa ditë më parë, shumë medie në vend raportuan se, miss Kosova 2011, Afërdita Dreshaj, nëpërmjet një, “fan page” me emrin e saj në Facebook, shprehu “xhelozi” ndaj koleges së saj, Diana Avdiut.
“Diana është e bukur. Por, misi i Kosovës në Miss Universin e kaluar ishte më e bukur", thuhet të ketë shkruar Dreshaj në Facebook duke i dhënë vetes avantazh.
Dreshaj, është distancuar nga ky lajm nëpërmjet një sqarimi në faqen e saj zyrtare në, “Twitter” duke thënë se ajo nuk është adimistratore e faqes në fjalë.
“Të dashur miq, gazetarë, fansa, unë personalisht NUK KAM FAN PAGE në Facebook që kontrollojë personalisht!! E kam thënë sdisa herë!!”, ka shkruar bukuroshja.
Ndërkaq, Diana Avdiu, sivjet fitoi çmimin, miss fotozhenia në spektaklin, “Miss Universe” dhe u radhit në mesin e 15 vajzave më të bukura të universit./Indeksonline/