Afganistan, 5 raketa ndaj zv.presidentit

Zëvendëspresidenti i dytë i Afganistanit, Muammad Karim Khalili i ka shpëtuar një atentati në provincën Maidan Uardak.
Ai ndodhej në zonë për të inaguruar ndërtimin e një qendre të re për stërvitjen e rekrutëve të policisë, kur papritur rebelët kanë qëlluar 5 raketa nga malet përreth.

Bashkë me Khalilin ka qenë i pranishëm ministri afgan i Brendshëm, Bismillah Muhammadi, i cili mësohet se i ka shpëtuar gjithashtu atentatit.

Autoritetet afgane theksojnë se nga sulmi nuk ka pasur të plagosur, por mediat lokale deklarojnë se disa funksionarë kanë marrë plagë të lehta.