Afganistan, rëzohet helikopteri, 4 të vdekur

Një helikopter transportues është rrëzuar në Afganistanin jugor duke lënë të vdekur katër personat që gjendeshin në bord. Mohamed Jan Rasoljar, zëvendësi guvernatori i provincës Zabul, ku ka ndodhur përplasja, konfirmoi lajmin për mediat ndërkombëtare.

“Gjatë një fluturimi nga baza e qarkut të Shinkait, helikopteri u rrëzua si pasojë e motit të keq dhe problemeve teknike. Të katër personat kanë vdekur, përfshirë dy anëtarët e ekuipazhit”, tha Rasoljar.

Ai tha se viktimat, tre meshkuj dhe një grua ishin nga Taxhikistani dhe punonin për një kompani logjistike e kontraktuar nga NATO-ja.

Nuk raportohet për ndonjë aktivitet armiqësor në zonën ku ka ndodhur incidenti.