Afganistan, vdesin 6 ushtarë të huaj

Katër ushtarë britanikë dhe dy amerikanë kanë vdekur gjatë të premtes dhe të shunës në disa sulme të ndryshme në Afganistan.

Lajmin e bën të ditur komanda e misionit të Isaf dhe autoritetet britanike. Sipas të dhënave, pesë prej viktimave janë vrarë në shpërthime, ndërsa njëri ne një aksident rrugor.

Me këto vdekje, numri i ushtarëve të huaj që kanë humbur jetën që në fillim të vitit, shkon 376. Ky është viti më i përgjakshëm në Afganistan që pas pushtimit amerikan në vitin 2001.