Aksident me vdekje në aksin Lezhë-Shkodër, eskavatori përplaset me motorin
Një aksident i rëndë ka ndodhur mrbëmjen e sotme në aksin Lezhë-Shkodër, pranë kryqëzimit të fshatit Dajç.
Një eskavator është përplasur me një motorçikletë, ku për pasojë ka ndërruar jetë drejtuesi i motomjetit 51-vjeçari Arben Tanushi.
Policia ndodhet në vendngjarje dhe po heton për shkaqet e aksidentit.
Njoftimi:
Një aksident i rëndë u regjistrua në aksin Lezhë – Mabe, në zonën e Dajçit.
Një automjet tip “Kamion”, i drejtuar nga shtetasi 28 vjeç, është përplasur me një motomjet me drejtues shtetasin, Arben Tanushi 51 vjeç. Drejtuesi i motomjetit Arben Tanushi mësohet se ka ndërruar jetë në spital.
Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.
Ndërsa drejtuesi i kamionit është shoqëruar në Komisariat për veprime të mëtejshme procedurale.