Aksidentet ne Tirane, plagosen tre persona

Tre persona kane mbetur te plagosur gjate 24 oreve te fundit nga aksidentet rrugore ne Tirane, ndersa policia ka proceduar penalisht ne gjendje te lire autoret e tyre.

Sipas te dhenave, nga seksioni i hetimit te aksidenteve rrugore, filloi procedimi penal per shtetasin Fatmir Bakalli, 38 vjec, banues ne Rrogozhine. Policia shpjegon se ne aksin rrugor Durres-Kavaje, te degezimi i Shengjergjit, duke drejtuar mjetin “Mercedes Benz”, eshte perplasur me mjetin “Golf” me drejtues shtetasin Besnik Shaqir Gjeci, 61 vjec, banues ne Kavaje.

Gjeci ka mbetur i plagosur, por ndodhet jashte rrezikut per jeten. Vec ketij rasti, ne Kombinat, tek stacioni i fundit i autobuseve, nje mjet i paidentifikuar, ka aksidentuar kembesorin Binak Ali Memaj, 79 vjec. Ai eshte marre nga kalimtaret dhe eshte derguar ne spital, ku ndodhet jashte rrezikut per jeten.

Policia ka nisur punen per kapjen e autorit. Po ne te njejten ore me aksidentin e Kombinatit, ka ndodhur nje tjeter aksident. Tek Ministria e Turizmit, nje mjet i paidentifikuar ka aksidentuar kembesorin Kujtim Rakipaj, 56 vjec, i cili pas mjekimit ne spital ndodhet ne banese. Policia tha se po punohet per identifikimin dhe kapjen e autorit.