Aksion ne kopshte e cerdhe godinat e reja pa kushte higjienike
Drejtoria e Shendetit Publik ne Tirane ka nisur kontrollet ne cerdhe dhe kopshte per te evidentuar kushtet higjieno-sanitare. Inspektoret thone se pavaresisht se shume kopshte dhe cerdhe jane rikonstrukturuar dhe kane ambiente komode ato nuk kane plotesuar rregulloren e kushteve higjieno-sanitare per sa i perket vendndodhjes se kuzhines apo tualeteve. Bashkia e Tiranes eshte njoftuar se 5 kopshte dhe cerdhe kane probleme te tilla por sipas inspektoreve te higjienes deri me tani nuk ka ndryshuar asgje.
Kohet e fundit jane rikonstruktuar shume cerdhe e kopshte por firma qe ka asistuar gjate ketyre punimeve nuk ka pasur parasysh asnje prej kerkesave qe parashikohet ne rregulloren higjieno-sanitare per ndertimin dhe funksionimin e ketyre institucioneve. Konkretisht pjesa e kuzhines eshte ndertuar sipas deshires se tyre tha Besa Shehu inspektore ne Drejtorine e Shendetit Publik. Sipas saj ata justifikohen me faktin se tashme punimet kane perfunduar keshtu qe nuk mund te bejne riinvestime. Zgjidhjen duhet ta gjejne vete ata po ashtu edhe menyren apo fondet per te rregulluar gjendjen ne to sqaroi Shehu.
Sipas specialisteve problem shqetesues perbejne edhe kopshtet e parikonstruktuara. Per tre te tilla ne Tirane do te merren masa per mbyllje te aktivitetit pasi jane ne gjendje te amortizuar. Kopshtet me me shume probleme jane ai me numer 39 dhe 40 te cilet jane teper te amortizuara. Me shqetesuese te kopshti numer 39 eshte pjesa e kuzhines dhe furnizimi me uje qe mezi behet ndersa kopshti 40 eshte i amortizuar ne gjithesine e tij theksoi inspektoria. Sipas saj kopshti 24 eshte i mire duke qene se eshte rikonstruktuar gjate koheve te fundit por pjesa me problematike eshte aspiratori dhe pompa te cilat jane prishur.
Shehu shtoi se vendimi final do te arrije deri ne mbylljen e ketyre institucioneve ose ne fillimin e rikonstruksionit.
Nderkohe aktualisht ne disa kopshte e cerdhe te tjera te vendit problematike eshte edhe fluksi tejet i madh i femijeve mbi kapacitetet e lejuara.