Aktivitetet kulturore paralizohen për shkak të kaosit ajror

Një sërë aktivitetesh kulturore që ishin planifikuar për tu shfaqur këto ditë në kryeqytet nuk do të zhvillohen. Shkak për këtë është kaosi i trafikut ajror, i cili prej një jave ka prekur Evropën dhe po ndihet edhe në shumë aktivitete kulturore të përcaktuara kohë më parë,

të cilat duket se nuk do të zhvillohen edhe në Tiranë. Në vazhdën e anulimit të fluturimeve mes Italisë dhe Shqipërisë për shkak të shpërthimit të vullkanit Eyjafjallajoekull në Islandë, Ambasada Italiane në Tiranë njofton me keqardhje se spektakli Tutta la vita è mar- vaudeville tra bonacce e tempeste është anuluar.
Një njoftim i njëjtë vjen edhe nga Ambasada franceze në Tiranë, e cila bën të ditur për Cirkun e Tiranës në Qendrën Metropolitane se Linstant Theatre Compagnie, e cila kishte planifikuar shfaqjen e cirkut Le marchand et le genie Tregtari dhe Gjeniu, një spektakël sipas përrallës Njëmijë e një net nuk do të ketë mundësi të shfaqet në Cirkun e Tiranës. Organizatorët mendojnë se ky spektakël do të mund të vijë në Tiranë në muajin qershor.

Last Updated on E Marte, 20 Prill 2010 19:43