Akuzat për trafik organesh, Del Ponte akuzon NATO-n dhe UNMIK-un

EULEX-i nuk ka kapacitete për të hetuar çështjen e "Shtëpisë e verdhë” ku Serbia pretendon se janë nxjerrë, për t`u shitur, organet e serbëve të rrëmbyer gjatë dhe pas luftës në Kosovë. Bashkësia ndërkombëtare, pas raportit të Dick Martyt, është dashur të reagoj, por vetëm nën mandatin e OKB-së mund të jepet e vërteta për këto akuza. Ka mungesë të vullnetit politik për ta ndriçuar këtë rast. Kjo për faktin se situata në Kosovë është ende e brishtë” Kështu ka deklaruar ish-kryeprokurorja e Tribunalit së Hagës, Carla del Ponte për “Press” ndërsa ka shtuar se shkatërrimi i provave ishte një gabim i madh.
“Kjo është bërë pa u konsultuar me mua, dhe madje pa folur me mua për këtë temë. Kam qenë shumë e habitur kur nga mediat kam mësuar se dëshmitë janë shkatërruar. Por, sigurisht se nuk ndihem përgjegjëse për këtë, sepse nuk kisha mandat për të udhëhequr hetimet. Unë e di se kush ka vendosur për shkatërrimin e provave, sepse kam qenë në kontakt të vazhdueshëm me pasuesin tim në pozitën e prokurorit, Serge Brammertz”, thotë del Ponte.
“NATO dhe UNMIK-u nuk kanë lejuar të marrim dokumentet e rëndësishme, ndërsa Shqipëria nuk na ka lejuar të futemi në territorin e saj për të hetuar varret. Ajo ka shtuar gjithashtu se bashkësia ndërkombëtare nuk dëshiron të dihet e vërteta për këto krime.