Al Qaeda thirrje për protesta të reja kundër SHBA-së
Në video-porosi shfaqet kreu i Al Qaedas, Ayman al-Zavahiri, që bën thirrje për të tjera manifestime dhe sulme nën shembullin e atyre që përfshinë Libinë, Egjiptin dhe Pakistanin muajin e kaluar.
“Zoti qoftë me besimtarët e vërtetë e të ndershëm që mësynë Konsullatën Amerikane në Bengazi dhe atë në Kajro, ku ulën poshtë flamurin amerikan dhe ngritën lartë flamurin e islamit dhe të xhihadit”, nis video-porosia e kreut të Al Qaedas.
“U bëj thirrje protestuesve të vazhdojnë luftën kundër kryqëzatave amerikano-sioniste dhe u bëj thirrje të gjithë myslimanëve të ndjekin liderët e tyre”, thuhet më tej në video-porosi.
Video-porosia është zgjatë 7 minuta dhe është publikuar fillimisht në faqet e ekstremistëve. Nuk dihet data e saktë e regjistrimit të kësaj videoje.