Alarmi i ISHP për fruthin, Bino: Bie vaksinimi, Tirana qyteti më problematik

Bumi turistik që po kalon vendi, bashkë më përfitimet, sjell me vete edhe rrezikun e përhapjes së sëmundjeve infektive.

Shefja e kontrollit të këtyre sëmundjeve në ISHP, Silva Bino thotë se mbulesa vaksinale me një dozë e Fruth-Rubeolës ka rënë në 89% duke e vendosur Shqipërinë në rrezik potencial të përhapjes së kësaj sëmundje

Fruthi lë pasoja të parikuparueshme në shëndet duke shkaktuar deri edhe vdekje.

Bino u drejtohet prindërve që po shtyjnë kohën e vaksinimit se po rrezikojnë jetën e fëmijëve të tyre.

Mbi 225 raste dhe 6 humbje jete për shkak të komplikacioneve u shënuan ne vitin 2018, një bilnac ky që e rreshtoi Shqipërinë ndër 6 vendet e Europës për nga numri i lartë i të prekurve.

Sonila Mlloja

/rtsh/