"Albpetrol", ekonomia perfitime te larta prej privatizimit Eglantina Nasi

Ndersa figuron si nje ndermarrje e cila aktualisht i sjell mjaft te ardhura buxhetit te shtetit, "Albpetrol" pritet qe pas procesit te privatizimit, te siguroje nje kontribut edhe me te madh per ekonomine shqiptare. Nje fakt te tille e ka bere me dije, vete drejtori i pergjithshem i kesaj kompanie Ferdinad Murati, gjate nje prononcimi per mediat. "Me keto burime financiare dhe njerezore, nese kompania brenda ketij viti do te arrije ne prodhimin e parashikuar te 1 milione toneve nafte ne total, me grantet e kompanise e cila ka dhene oferten me te madhe financiare per blerjen e tij, prodhimi i "Albpetrol"-it dhe shoqerive koncesionare do te jete shume here me i madh", - ka cituar ai. Duke saktesuar se vetem gjate vitit te kaluar, ndermarrja shteterore e naftes ka derdhur ne buxhetin e shtetit plot 32 milione dollare ne forme kontributesh per pagesen e Tatimit mbi Vleren e Shtuar, rentes apo sigurimeve shoqerore. Kujtojme ketu, se per te njejtin vit, fitimi neto i ndermarrjes ne fjale ka qene rreth 36 milione dollare. Shifer kjo, e cila ka nje pritshmeri te larte pozitive per te qene me e larte gjate viteve pasuese, pasi "Albpetrol" te bjere ne duart e investitorit strategjik. Nderkaq, kujtojme se nga aktiviteti i kesaj ndermarrje, nuk perfiton vetem shteti por edhe pushteti lokal, duke i shlyer atij ne formen e taksave detyrimet vendore deri ne 1.2 milione dollare, por edhe duke rimbursuar fermeret me 1 milione dollare per shkak te aktivitetit qe ushtron ne pronat e tyre, pa harruar as shifren prej 200 mije dollare, si perfitim nga ana e punonjesve ne formen e ndihmes ekonomike. Tregues keta, te cilet gjithashtu, pritet qe te njohin rritje te tyre pas procesit te privatizimit. Dhe kjo, pasi ne paketen e tij, parashikohet edhe detyrimi per te kryer investime, por nuk duhet harruar as edhe fryma qe nje investitor sjell me vete ne momentin e marrjes se nje sipermarrje private, per te kryer risi dhe pune te madhe mbi shtimin e metejshem te prodhimit. Konkretisht, vlera totale e kesaj kompanie arrin ne 480 milione dollare duke perfshire ketu te gjitha puset, asetet, infrastrukturen, makinerite, pajisje e cdo gje qe permban. Por kreu aktual i saj, sqaron edhe njehere se ne privatizim do te kalojne vetem nje pjese e ketyre objekteve dhe pajisjeve. Nderkaq, deri tani, rezulton si pretendentja kryesore per blerjen e "Albpetrol"-it, kompania amerikane "Vetro Energy", pasi ka paraqitur edhe oferten me te larte financiare, plot 850 milione euro. Para keto, qe do t'i vijne ne ndihme arkes se buxhetit te shtetit, sikunder ne te njejten kohe, jane premtuar edhe investime te reja ne lidhje me procesin e nxjerrjes se naftes, i cili deri me sot eshte kryer nga "Albpetrol".

Ekspertet: Parate e privatizimit, per investime

Oferta me e larte financiare, prej 850 milione euro, e paraqitur nga kompania "Vetro Energy" per privatizimin e kompanise "Albpetrol", perben nje te ardhur te konsiderueshme per buxhetin e shtetit. E cila pritet qe te shkoje per investime dhe zbutjen e borxhit publik. Nje fakt te tille e ka pohuar dje per median, eksperti i ekonomise, Zef Preci. Duke u shprehur nder te tjera edhe faktin se kompanite pjesemarrese ne tenderin e privatizimit, jane nga me seriozet ne bote. "Me rastin e rialokimit te parave, duhet te kene prioritet edhe ato projekte qe ndikojne pozitivisht ne punesim", - theksoi ai. Duke perfunduar se, nese shuma prej 850 milione eurosh do te derdhej ne buxhetin e shtetit, ky do te perbente nje fakt pozitiv per te ardhurat e tij.