Anetaret e rinj te Kushtetueses pas 8 javesh nis mandati
Deputetet kerkojne informacion per emrat e Topit
Anetaret e rinj te Gjykates Kushtetuese te dekretuar para pak ditesh nga presidenti Bamir Topi do te marrin mandatin e tyre maksimumi pas tete javesh. Ndryshimet ne rregulloren e Kuvendit percaktojne qarte nje afat te tille pasi procedurat e reja nisin me mbledhjen e informacionit per secilin nga kandidatet me pas shqyrtimin dhe diskutimin ne komisionet parlamentare marrjen ne pyetje te gjithsecilit dhe mbi bazen e dosjeve do te vendoset per emrat qe do te votohen ne Parlament. Te gjitha keto procedura marrin nje kohe prej 8 javesh nderkohe qe zyrtarisht Kuvendi do te nise diten e hene fillimisht me mbledhjen e informacionit. Sipas informacioneve brenda Kuvendit mesohet se seanca degjimore do te nise me z.Artan Hoxha nje jurist me integritet moral dhe profesional te larte jurist me eksperience te gjate ne gjyqesor dhe qe prej dy vitesh pas perfundimit te mandatit te plote 9-vjecar si anetar i Gjykates se Larte eshte perfshire ne jeten akademike ne Universitetin e Tiranes. Aktualisht sipas CV se tij ai mban graden e doktorit te shkencave juridike dhe eshte ne procedure per marrjen e titullit profesor i asociuar. Kandidati tjeter gjyqtari i Gjykates se Apelit ne Shkoder qe komisioni do te ndjeke procedurat e marrjes ne pyetje eshte nje gjyqtar me eksperience gjithashtu edhe ky vleresohet si nje kandidature e pershtatshme. Dy kandidatet e tjere Ardian Leka dhe Edlira Jorgaqi vijne njeri nga fusha e avokatise kurse kandidatja tjeter vjen nga zyra e Prokurorit te Pergjithshem. Edhe keta dy kandidate kane eksperienca te meparshme pune ne sektore te tjere. Anetaret e Komisionit te Ligjeve pasi te kene mbledhur te dhena per secilin prej tyre do te nisin ne seanca te vecanta diskutimin nderkohe qe jane parashikuar dhe seanca me pyetje per kandidatet. Por mesohet se emrat e mberritur para dy diteve ne seline e kryesise se Kuvendit jane emra qe plotesojne kriteret e vendosura per anetare te rinj te Gjykates Kushtetuese. Behet fjale per nje eksperience te gjate ne gjyqesor gje qe e kane emrat e propozuar ne menyre te vecante juristi Artan Hoxha dhe pas tij edhe emrat e tjere. Po ashtu merr nje rendesi te vecante edhe fakti qe ata nuk jane kandidatura politike pasi asnjeri prej tyre nuk rezulton te kishte qene pjese e ndonje subjekti politik apo te jete perfshire ne fushata te ndryshme elektorale. Por ajo qe merr rendesine me te madhe eshte mosimplikimi i kandidateve ne proceset gjyqesore gjate kohes se diktatures komuniste per te cilen PD-ja nuk ka toleruar as ne rastin e emrave te tjere te paraqitur po nga Presidenti Bamir Topi. Gjithsesi tashme emrat e tij jane ne Kuvend dhe mesohet se diten e hene do te nisin zyrtarisht procedurat per miratimin e tyre qe kerkojne nje kohe prej 8 javesh. Partite politike ende nuk kane shprehur rezerva ndaj emrave te zgjedhur nga presidenti i republikes Bamir Topi per anetare te rinj te Kushtetues por brenda pak ditesh do te verifikojne figuren e tyre. Ne rastet kur kandidaturat nuk plotesojne kushtet ligjore te vendosura ne Kushtetute apo ligj komisioni nepermjet raportit te tij i kerkon Kryetares se Kuvendit te njoftoje institucionin propozues ne rastin konkret te Presidentit per mospermbushjen e ketyre kritereve. Por ndryshe nga propozimet e meparshme te Kreut te Shtetit duket se 4 kandidaturat per Kushtetuesen jane figura te pastra dhe qe plotesojne kriteret ligjore.