Apeli i juristeve: Reforma zgjedhore, po kalon afati Rozeta Rapushi
Ne nje kohe kur forcat politike jane me pushime, juristet duket se jane te vetmit qe po kembengulin ne thirrjet, se per reformen zgjedhore nuk duhet te humbet me kohe. Ish kreu i Komisionit Qendror te Zgjedhjeve, Kristaq Kume, u beri apel dje forcave politike, qe te nisin sa me pare punen me reformen zgjedhore, ne menyre qe kjo reforme te mos deshtoje per zgjedhjet e ardhshme te pushtetit lokal. “Po vijme ne afate ekstreme per realizimin e reformes zgjedhore. Referuar kerkesave te Kodit Zgjedhor, afati maksimal qe Presidenti duhet te dekretoje zgjedhjet eshte 8 shtatori dhe zgjedhjet e ardhshme duhet te mbahen jo me afer se 30 dite nga mbarimi i mandatit te vendoreve, afati i te cilave perfundon ne 8 qershor te 2011-es. Kjo kohe e mbetur ne dispozicion per te bere reformen zgjedhore eshte e limituar. Me fillimin e punimeve te Kuvendit prioritet do te duhet te jete reforma zgjedhore”, u shpreh ai, i shqetesuar per faktin se nga kampet politike, duket se nuk po vihet uji ne zjarr. Sipas tij, duke marre parasysh debatet e zhvilluara mes forcave politike, verejtjet e nderkombetareve dhe nevoja per ndryshim te Kodit Zgjedhor, ky ndryshim duhet te vije sa me shpejt qe te jete e mundur dhe jo te shtyhet serish. “Puna me permiresimin e Kodit Zgjedhor, duhet te nise sa me pare qe te jete e mundur. Nevoja per korrigjimin e tij eshte bere prej kohesh, jo vetem nga politika por edhe nga shoqeria civile dhe nderkombetaret”, tha Kume. Ne parim duket se te gjithe jane dakord per reformen zgjedhore, nevojen e domosdoshme te permiresimit te Kodit Zgjedhor, por konsensusi dhe gjuha e perbashket mes paleve eshte ende larg. Forcat e medha politike PD-PS, vazhdojne te mbajne pezull zgjidhjen e ngercit politikan per transparencen e zgjedhjeve, pa kaluar nje hap me tej ne realizimin e reformes zgjedhore. Ne baze te Kushtetutes data e zgjedhjeve te ardhshme pritet te dekretohet brenda dates 8 shtator, cka nuk i le shume kohe partive qe te permiresojne ato gabime te konstatuara ne ligjin e zgjedhjeve qe ne fakt, u miratua me konsensus te gjere, vetem nje vit me pare. Deri me sot eshte mazhoranca, ajo qe ka dhene propozime konkrete, ndonese jo zyrtare per permiresimin e kuadrit ligjor te zgjedhjeve. Sipas demokrateve, procesi i numerimit te votave, perberja e komisionereve dhe zbatimi korrekt i rekomandimeve te nderkombetareve, jane ceshtjet emergjente qe duhet te permiresohen ne Kodin Zgjedhor. Nderkohe qe opozita nuk eshte shprehur aspak per kete ceshtje, duke kembengulur ne transparencen e zgjedhjeve te 28 Qershorit 2009, si paresore, per te diskutuar vetem pas zgjidhjes se kesaj ceshtjeje per reformen zgjedhore.