Universitetet Italiane, datat e konkurseve

Te gjitha afatet per dokumentet, marrjen e vizes dhe kohezgjatjen e saj, si dhe detajet e tjera
Per te gjitha deget, ku pranimi do te behet edhe me konkurs, Ambasada Italiane ka shpallur datat e tyre. Keshtu, jane nje grup degesh mjaft specifike, kryesisht deget e Mjekesise apo arkitektures, per te cilat konkursi eshte cilesuar domosdoshmeri. Gjithashtu, Ambasada Italiane ka njoftuar daten 10, pra diten e neserme per shpalljen e fituesve ne Universitetet italiane, per ato dege qe nuk kane nevoje per konkurs.
Konkurset
Me 1 shtator 2010 nis sipari i gares, duke u testuar fillimisht per njohurite ne gjuhen italiane. Me pas me 2 shtator do te zhvillohet konkursi i pranimit per deget Mjekesi dhe Kirurgji. Nje dite me vone, kandidatet qe e kane kerkuar si dege do t'i nenshtrohen kontrollit te dijeve per degen e Stomatologjise. Sipas burimeve, me 6 shtator, dite qe perkon me fillimin e vitit shkollor per shkollat tona, maturantet shqiptare do t'u nenshtrohen dijeve per degen Mjekesi Veterinare. Nga ana tjeter, me 7 shtator do te zhvillohet konkursi i pranimit per degen aq te preferuar te Arkitektures ndersa me 8 shtator, do te zhvillohet konkursi i pranimit per Profesionet e Shendetesise. Te rinjte qe nuk do te behen pjese e listave te fituesve mund te regjistrohen me pas ne nje dege tjeter, jo ne degen qe ata preferonin. Kjo eshte nje mundesi e dyte qe universitet italiane ofrojne per studentet shqiptare. Brenda dates 12 dhjetor 2010 universitetet italiane do te bejne te ditur nese ka ende vende te lira ne fakultetet e tyre. Kjo do t'u jape mundesine atyre qe kane mbetur jashte listes se fituesve, te paraqesin kerkesen per nje kurs tjeter diplomimi, ose per te njejtin kurs, ne nje universitet tjeter.
Fituesit
Emrat e te rinjve shqiptare qe do te fitojne te drejten per t'u regjistruar ne universitetet italiane do te shpallen paraditen e neserme. Ambasada Italiane ka njoftuar kandidatet se sipas afatit te vendosur nga Ministria e Universiteteve Italiane, brenda kesaj date do te publikohen listat e kandidateve te pranuar per t'u regjistruar ne universitetet italiane. Po keshtu, jane bere te ditura datat e regjistrimit, si dhe jane dhene informacione ne lidhje me procedurat. Kriteret dhe permbajtja e provimeve te pranimit ne universitetet italiane, jane bere te ditura per kandidatet. Maturantet shqiptare, te perzgjedhur nga Ambasada Italiane, per te nisur para regjistrimin ne universitetet italiane dhe qe kane kaluar me sukses dy provimet me zgjedhje te Matures do te nisen drejt Italise ne ditet e fundit te muajit gusht, pasi te jene pajisur me viza nga ambasada. Maturantet e regjistruar ne vitin e fundit te shkolles se mesme apo te regjistruar ne vitin e fundit te sistemit universitar 3-vjecar, qe do ta marrin Deftesen dhe Diplomen brenda veres se vitit 2010, duhet t'i dorezojne keto dy dokumente ne Ambasade brenda dates 10 gusht 2010, ora 12.00. Edhe ne kete rast dokumentet duhet te jene te vertetuara nga noteri, te perkthyera dhe te vulosura nga institucionet perkatese.
L.Ndoka

Procedurat
Vizat e studimit, afatet e vlefshmerise
Vizat e studimit per te gjithe studentet shqiptare qe do te fitojne te drejten per te studiuar ne universitetet italiane do te leshohen duke nisur qe nga data 24 gusht. Ne baze te dispozitave ne fuqi, vizat per studim ne universitetet italiane do te jene te vlefshme nga data 24 gusht 2010 deri me 31 janar 2011. Studentet do te kalojne disa kohe ne pritje ne vendin fqinje para nisjes se studimeve ne kete vend, derisa universitetet italiane te shprehen zyrtarisht se cili prej tyre do te pranohet. Keshtu, pasi te vleresohen dhe verifikohen te gjitha kerkesat e te rinjve shqiptare nga organet e specializuara ne Itali, do te vendoset perfundimisht edhe se cili e fiton proven e hyrjes. Percaktimi i fituesve ne Itali do te behet para nisjes se vitit te ri akademik 2010-2011. Nderkohe qe te gjithe ata te rinj shqiptare qe nuk do te renditen te listat e fituesve ne universitetet italiane nuk duhet te deshperohen, pasi per ta do te kete nje shans te dyte per te studiuar ne Itali, megjithese jo ne degen e preferuar.

Preferenca
Te rinjte shqiptare preferojne universitetet e shtetit fqinj per prestigjin dhe per faktin tjeter se diplomat e universiteteve shqiptare, qofshin keto publike apo private, nuk njihen ne vendet e tjera evropiane. Nderkohe qe nje diplome ne nje universitet evropian, sikunder jane edhe ato italiane, i jep tjeter kredibilitet diplomes se marre.

Website
Ambasada italiane ka theksuar se rregullat per regjistrimin prane universiteteve italiane dhe per marrjen e vizes studim/universitet jane publikuar edhe ne adresen www.ambtirana.esteri.it, jane perseritur ne kartelat qe jane shperndare pa pagese, si dhe jane reklamuar ne njoftimet e afishuara prane ambasades dhe selive konsullore.

Datat:
1 shtator 2010
Provimi i njohjes se Gjuhes italiane

2 shtator 2010
Konkursi i pranimit per deget Mjekesi dhe Kirurgji

3 shtator 2010
Konkursi i pranimit per degen Stomatologji

6 shtator 2010
Konkursi i pranimit per degen Mjekesi Veterinare

7 shtator 2010
Konkursi i pranimit per degen e Arkitektures

8 shtator 2010
Konkursi i pranimit per Profesionet e Shendetesise