Apokalipsi, spekulim, 21 dhjetor nje dite si gjithe te tjerat
Nisur nga lajmet qe tregojne madje edhe "detaje" se si do te ndodhe neser fundi i botes, Prof. Dr. Artan Borici, pedagog i Fakultetit te Shkencave te Natyres ne Universitetin e Tiranes, ben thirrje qe njerezit te qetesohen, pasi asnjeri nga supozimet nuk qendron shkencerisht. "Njerezit nga natyra jane qenie, qe kane frike, ndaj eshte i kuptueshem edhe shqetesimi, aq me teper kur spekulohet dhe shumefishohet. Ne te vertete nuk duhet te kemi frike se do te kemi nje apokalips, apo nje ngjarje te vecante qe do te ndryshonte rrjedhen e njerezimit ashtu sic e shohim dhe e prekim apo degjojme deri me sot", thote Borici. Sipas tij, sa i perket hipotezes se apokalipsin do ta shkaktoje planeti X, nuk ka asnje evidence se tokes po i afrohet nje trup qiellor apo pjese e nje trupi qiellor, pervec henes qe i vjen rrotull dhe planeteve te sistemit diellor, qe ndodhen ne orbitat e tyre. Lidhur me pretendimin e dyte te vendosjes se planeteve ne vije te drejte, Borici shprehet se ky eshte nje fenomen, qe ndodh ne menyre te perseritur nje here ne shume vjet, por nuk do te ndodhe me date 21 dhjetor. "Ky fenomen kur ndodh nuk shkakton ndonje problem te dukshem, e per pasoje nuk shkakton asnje problem. As per asteroide nuk behet fjale, perndryshe agjencite si NASA do te kishin marre masat me kohe per asgjesimin e tyre me ane te armeve berthamore me ane te raketave me destinacion asteroidin", vijon Prof. Dr. Artan Borici. Sa i perket fundit gradual te botes, sipas Boricit, me kete po merret organizata e "Shkencetareve Berthamore", e cila ka nje bord nderkombetar shkencetaresh qe studiojne rreziqet qe i kanosen njerezimit. Ajo eshte krijuar ne mesin e Luftes se Ftohte kur rreziku i nje lufte berthamore ka qene shume i madh. "Ata percaktojne me ane te ores 24:00 "fundin e bote", nderkohe qe situata me e keqe ka qene ne krizen e raketave ne vitin 1962, kur ora e kesaj organizate shenonte 23:58. Sot situata eshte me e mire dhe ora shenon 23:55, pra jemi 5 minuta perpara "mesnates". Sot, pervec rrezikut prej armeve berthamore, organizata ka identifikuar edhe rrezikun prej ngrohjes globale", argumenton Prof. Dr. Artan Borici. Sipas tij, me keto dy faktore te lidhur me njeri-tjetrin ne menyre jotriviale, njerezimi po shkon drejt nje te ardhmeje, qe nese nuk administrohet sic duhet, mund te kemi nje proces te pakthyeshem mbi habitatin planet, Toke. Sipas tij, faktori njerezor, eshte ai qe do te percaktoje te ardhmen e njerezimit.