Apolonia, testi i parë i Dinamos së Muçës

Shkëlqim Muça, trajneri i ri i Dinamos, është para një testi
besimi në sfi dën e tij të parë për para tifozëve të kampionëve
në fuqi, jo vetëm për të dëshmuar aftësitë e tij si një trajner me
mentalitet kampioni (3 tituj me Tiranën), por dhe për ta ndalur
hapin impresionues të Apolonisë, që vjen pas 4 fi toreve rresht.
17-herë kampionët e Shqipërisë vijnë në përballjen me Apoloninë
pas dy humbjeve rresht në derbin e kryeqytetit, ku ajo me Partizanin
i kushtoi edhe vetëlargimin e detyruar Zlatko Daliçit, trajnerit
të fundit kroat që kishte mundur të mbijetonte në kampionatit
shqiptar. Dinamo-Apolonia është një sfi dë shumë tërheqëse në
letër, pasi përballen shkolla shqiptare e trajnimit, e përfaqësuar
nga Muça, dhe ajo serbe me trajnerin e Apolonisë, Esad Karishik,
ku luajnë edhe gjashtë futbollistë serbë. Dinamo ndodhet 8 pikë
larg Vllaznisë dhe 7 ndaj Tiranës së vendit të dytë.