Ari Han hedh sot te zezen mbi te bardhe
Jeton Selimi
Holandezi Ari Han do te mberrije sot paradite ne Shqiperi dhe do t'i jape fund fjaleve te diteve te fundit, duke firmosur kontraten dyvjecare, qe do ta beje ate trajnerin e 19-te te Kombetares shqiptare. Han do ta kryeje formalitetin ne zyrat e Federates Shqiptare te Futbollit dhe me pas do te beje prezantimin zyrtar si trajneri i ri i Shqiperise.
Telenovela e trajnerit te Kombetares shqiptare do te marre fund zyrtarisht sot, ne oret e paradites, kur Ari Han do te hedhe te zezen mbi te bardhe. Holandezi u konsiderua si kandidatura me e pershtatshme nga presidenti Duka, edhe pse pati nje duel te forte me austriakun Hans Krankl. Ishte eksperienca, ajo qe percaktoi rolin vendimtar, duke pare se ne aspektin ekonomik Han dhe Krankl ishin ne te njejtat pozita. Presidenti Duka u shpreh mjaft i kenaqur per kete zgjedhje, e cila gjeti edhe miratimin e plote te Komitetit Ekzekutiv.
Ari Han do te kete detyren te vazhdoje dhe te permiresoje ate qe nisi paraardhesi i ti, Oto Baric. Ai do te jete trajneri i peste i huaj ne historine e Shqiperise, pas Ljubisha Brocic, Xhuzepe Dosenes, Hans Peter Brigelit dhe Oto Baricit. Hanin, me nje kurrikulum te madh mbi shpine si trajner (ne rang klubesh), e pret nje detyre e veshtire, sidomos pas konfliktit te fundit qe ka perfshire federaten me qeverine shqiptare. Menjehere pas firmosjes se kontrates mes trajnerit holandez dhe presidentit Duka, Ari Han do te jape konferencen e pare per shtyp si trajner i Shqiperise, ne Hotel "Rogner".
Vata: Han nuk ka arritje si trajner
Ish-kapiteni i Kombetares kuqezi, Rudi Vata, rikthehet serish ne skene, pas nje pauze relativisht te gjate. Ai komenton per albania-sport emerimin e Ari Han ne krye te stolit kuqezi si dhe u rikthehet akuzave te vjetra per presidentin e FSHF-se, Armand Duka: "Ari Han? Si futbollist ka qene i nje klasi te jashtezakonshem, por si trajner nuk eshte ne kete nivel, madje nuk njihet fare ne kete fushe per arritje te medha? Presidenti Duka? Nje biznesmen si ai nuk ka shume kohe per t'u marre me federaten. Mjafton te shikosh se ne cfare shkalle jane marredheniet shtet-federate".