Armët bërthamore, Ngushtica e Hormuzit dhe sulmet ndaj fqinjëve/ Cilat janë qëndrimet e liderit të ri suprem të Iranit?

Në një intervistë për “Al Jazeera”, ministri i jashtëm i Iranit, Abbas Araghchi, ka dhënë të dhëna mbi mënyrën e të menduarit të qeverisë iraniane në mes të një tranzicioni pas vrasjes së disa figurave kyçe.

Lidhur me këtë, “Sky News” ka sjellë disa pjesë nga komentet e tij:

Armët bërthamore: Babai dhe paraardhësi i Khameneit kishin ndaluar armët e shkatërrimit në masë në një “fetva” në fillim të viteve 2000.

Araghchi tha se udhëheqësi i ri suprem, Mojtaba Khamenei, ende nuk ka shprehur një mendim mbi armët bërthamore, por pret që ato “nuk do të ndryshojnë shumë nga politika e mëparshme“.

Ngushtica e Hormuzit: Araghchi mbështeti një protokoll të ri për anijet që të përdorin korridorin kryesor të transportit detar, të cilin Irani e ka mbyllur në mënyrë efektive, duke ndikuar në rritjen e çmimit të naftës.

Ai dukej sikur linte të kuptohej se Irani dëshiron të mbajë një kontroll të fortë mbi rrugën ujore pas luftës, duke thënë se lundrimi paqësor kërkonte “konsideratë për interesat e Iranit” dhe se kalimi i sigurt duhet të jetë i mundur “nën kushte specifike”.

Sulmet ndaj fqinjëve: Irani më parë pretendoi se po sulmon forcat amerikane në vendet fqinje.

Araghchi sqaroi në intervistë se ndikimet në zonat jo-ushtarake ishin një reagim ndaj forcave amerikane që zhvendoseshin “pranë zonave urbane”.

Kryediplomati iranian pranoi se vendet rajonale janë “të mërzitura”, por tha se fajin e kishin SHBA-të.