Arrestimi i Prince Andrew/ Çfarë është “MAGNA CARTA”? Dokumenti i vitit 1215: As Mbreti nuk tolerohet
Prince Andrew Mountbatten‑Windsor, i njohur më parë si Princi Andrew dhe vëllai i Mbreti Charles III, është arrestuar këtë të enjte në Britaninë e Madhe nën dyshimin për “sjellje të keqe në detyrë publike”.
Çfarë është Magna Carta?
Magna Carta, ose “Kartela e Madhe” në shqip, është një dokument historik i nënshkruar në vitin 1215 nga Mbretëria e Anglisë. Ajo u krijua si një marrëveshje mes mbretit John i Anglisë dhe një grupi fisnikësh të pakënaqur me mënyrën se si po qeveriste mbreti.
Pse është e rëndësishme?
- Kufizimi i pushtetit të mbretit
Magna Carta ishte një nga dokumentet e para që vendoste se edhe mbreti duhet të respektojë ligjin. Nuk mund të bënte ligje arbitrare ose të arrestonte njerëz pa proces të drejtë. - Mbrojtja e të drejtave të individit
Dokumenti garantonte disa të drejta për qytetarët, si të drejtën për pronë, proces të drejtë ligjor dhe mbrojtje nga taksat e paligjshme. - Bazë për ligjin modern
Edhe pse u krijua për fisnikët, konceptet e saj u zgjeruan me kohën dhe ndikuan në zhvillimin e demokracisë dhe të drejtave të qytetarëve, madje edhe në Kushtetutën e Shteteve të Bashkuara dhe sistemet ligjore moderne.
Historia e saj
- U nënshkrua më 15 qershor 1215 në Runnymede, pranë Lumit Thames, Britani e Madhe.
- Ishte një reagim ndaj mbretit të ashpër dhe taksave të rënda.
- Me kalimin e shekujve, shumë nga parimet e saj u përfshinë në ligjet britanike dhe ndikuan globalisht.
Arrestimi
Ish-Princi Andrew është arrestuar nën dyshimin për shpërdorim detyre pas zhvillimeve të fundit lidhur me çështjen Epstein.
BBC raportoi se Policia e Thames Valley arrestoi 66-vjeçarin Andrew Mountbatten Windsor në Norfolk të Anglisë.
Policia në një deklaratë refuzoi të identifikojë të dyshuarin “sipas udhëzimeve kombëtare”, duke njoftuar se ai ndodhet aktualisht në paraburgim dhe se po kryhen kontrolle në adresa në Berkshire dhe Norfolk.
“Pas një vlerësimi të plotë, kemi hapur një hetim për këtë pretendim për shpërdorim detyre”, tha ndihmës-shefi i policisë, Oliver Wright.
Ish-princi ka mohuar çdo shkelje në lidhje me Jeffrey Epstein-in.
Andrew, vëllai më i vogël i Mbretit Charles, shërbeu si i dërguar tregtar i Mbretërisë së Bashkuar nga viti 2001 deri në 2011. Ai u tërhoq nga detyrat mbretërore në vitin 2019 pasi lidhjet e tij me Epstein-in u bënë publike.
Sipas dokumenteve të publikuara së fundmi, më 7 tetor të vitit 2010, Andrew i dërgoi Epstein-it detaje mbi udhëtimet e tij zyrtare si i dërguar tregtar në Singapor, Vietnam, Shenzhen dhe Hong Kong.
Më 30 nëntor, ai dyshohet se i përcolli Epstein-it raporte zyrtare mbi këto vizita menjëherë pasi i kishte marrë ato.