Arrestohet derguesi i letres se Obama-s
Arrestohet një person në lidhje me letrat e helmuara të dërguara drejt presidentit Obama dhe senatorit Roger Wicker, ka bërë të ditur Departamenti i Drejtësisë gjatë së mërkurës.
Paul Kevin Curtis është arrestuar nga FBI në shtëpinë e tij në Corinth të Mississippi-t, njofton departamenti në një deklaratë. Letrat e dërguara për senatorin Wicker, një republikan i Mississippi-t, dhe për Obama-n u zbuluan gjatë së martës. Njoftimi i departamentit bën të ditur se një letër e tretë i është dërguar një zyrtari të drejtësisë në Mississippi. Letrat ndaj Wicker-it dhe Obama-s u kapën në pajisjen e postës qeveritare dhe pas testimeve paraprake rezultuan me prezencë ricine, një përbërje vdekjeprurëse. Për shkak se testimet fillestare mund të jenë “kontradiktore”, zarfat u dërguan për testime të mëtejshme në laboratore të specializuara, njoftoi FBI-ja, që nuk pret të marrë rezultate zyrtare deri ditën e enjte, thonë burime të zbatimit të ligjit për CNN. Në letra shkruhej: “Të shohësh një gabim dhe të mos e shfaqësh atë, është si të bëhesh një partner i heshtur në vazhdimësi i gabimit”. Ato mbanin një nënshkrim “Jam KC dhe aprovoj këtë mesazh”, bëri të ditur një burim. Raportime për pako të dyshimta dhe zarfe pati edhe nga dy ndërtesa, ku ndodheshin zyrat e Senatit, gjatë mesditës së të mërkurës. Policia evakuoi katin e parë të Hart Senate Office Building për më shumë se 1 orë dhe mori në pyetje një person në zonë, i cili kishte një cantë shpine me zarfe të mbyllura në të, por ai nuk u mor në paraburgim. “Ky është thjesht një paralajmërim se me shërbimin publik vjen edhe mundësia reale për të qenë objektiv i këtyre sulmeve”, tha senatori Pat Roberts i Kansasit. “Por, në anën tjetër, ne kemi një forcë të shkëlqyer policore dhe besoj se ata do t’ia dalin deri në fund me këtë situatë”.
Paul Kevin Curtis është arrestuar nga FBI në shtëpinë e tij në Corinth të Mississippi-t, njofton departamenti në një deklaratë. Letrat e dërguara për senatorin Wicker, një republikan i Mississippi-t, dhe për Obama-n u zbuluan gjatë së martës. Njoftimi i departamentit bën të ditur se një letër e tretë i është dërguar një zyrtari të drejtësisë në Mississippi. Letrat ndaj Wicker-it dhe Obama-s u kapën në pajisjen e postës qeveritare dhe pas testimeve paraprake rezultuan me prezencë ricine, një përbërje vdekjeprurëse. Për shkak se testimet fillestare mund të jenë “kontradiktore”, zarfat u dërguan për testime të mëtejshme në laboratore të specializuara, njoftoi FBI-ja, që nuk pret të marrë rezultate zyrtare deri ditën e enjte, thonë burime të zbatimit të ligjit për CNN. Në letra shkruhej: “Të shohësh një gabim dhe të mos e shfaqësh atë, është si të bëhesh një partner i heshtur në vazhdimësi i gabimit”. Ato mbanin një nënshkrim “Jam KC dhe aprovoj këtë mesazh”, bëri të ditur një burim. Raportime për pako të dyshimta dhe zarfe pati edhe nga dy ndërtesa, ku ndodheshin zyrat e Senatit, gjatë mesditës së të mërkurës. Policia evakuoi katin e parë të Hart Senate Office Building për më shumë se 1 orë dhe mori në pyetje një person në zonë, i cili kishte një cantë shpine me zarfe të mbyllura në të, por ai nuk u mor në paraburgim. “Ky është thjesht një paralajmërim se me shërbimin publik vjen edhe mundësia reale për të qenë objektiv i këtyre sulmeve”, tha senatori Pat Roberts i Kansasit. “Por, në anën tjetër, ne kemi një forcë të shkëlqyer policore dhe besoj se ata do t’ia dalin deri në fund me këtë situatë”.