Arrestohet në Tiranë një 21 vjeçar, u kap me lëndë narkotike

Gjatë orëve të vona të mbrëmshme specialistët e seksionit Kundër Drogës, kryen arrestimin në flagrancë të shtetasit Teodor Sovjetik Doko, 21 vjeç, lindur në Fier dhe banues në Tiranë. Arrestimi i tij u krye sepse dje rreth orës 19.00, në afërsi të Materniteti i Ri, është kapur në flagrancë, ku pas një kontrolli të ushtruar në automjetin e tij tip “Peugeot", me targa Tr.5377 J, ju gjetqn një sasi prej 7.4 gram bimë me ngjyrë jeshile, e dyshuar narkotike e llojit canabis ssativa. Në cilësinë e provës materiale u sekuetruan sasia prej 7.4 gram lëndë e dyshuar narkotike e llojit canabis sativa, një aparate telefoni celular si dhe mjeti  tip “Peugeot”. Materialet hetimore të përpiluara në ngarkim të tij, do t’i kalojnë Prokurorisë së Rrethit Gjyqësor Tiranë, për veprën penale të “Prodhimit dhe shitjes së lëndëve narkotike”.