Arsimi shqiptar, "leksione" nga ai francez

Arsimi shqiptar do te ndjeke modelin francez kryesisht, per sa i perket universiteteve dhe kerkimit shkencor. Ky fakt eshte bere i ditur dje gjate takimit qe ministri i Arsimit, Myqerem Tafaj, ka pasur me ambasadoren e Frances ne vendin tone Francoise Bourolleau. Ministri i Arsimit ka nenvizuar se institucioni qe ai drejton dhe universitetet shqiptare jane shume te interesuara, per vazhdimesine e bashkepunimit me qeverine franceze, duke vene ne dukje nevojen e arsimit shqiptar per tekniciene e punonjes profesionale. Nga ana e tij Ambasadorja franceze ne Tirane, Francoise Bourolleau, siguroi ministrin Tafaj, se bashkepunimi i deritanishem do te intensifikohet edhe me tej ne fushen e arsimit dhe shkences. Bashkepunimi shqiptaro-francez shtrihet dhe ne qarqet universitare, te cilat ne kuadrin e autonomise se tyre kane marreveshje te drejtperdrejta me universitetet franceze, te tilla si; Universiteti i Tiranes dhe Universiteti Paul Valery, Montpellier. Universiteti Politeknik i Tiranes dhe Universiteti i Parisit IV. Universiteti i Tiranes dhe Instituti Kombetar i Gjuheve; Universiteti i Shkodres dhe Universiteti i Bezansonit; Instituti i Gjuhesise dhe Letersise ne Akademine e Shkencave te Shqiperise dhe Instituti Kombetar i Gjuheve Orientale, France.