Arta Dobroshi, fton qytetarët në marsh

Një muaj pasi mori çmimin e rëndësishëm kinematografik  “Shooting Star 2013” në festivalin "Berlinale", aktorja  Arta Dobroshi  angazhohet në vendlindjen e saj. Jashtë botës së filmit, roli i saj është i bashkë-organizatores së një marshi në Prishtinë.

Dobroshi ka ftuar qytetarët e Kosovës që të  protestojnë sërish para KEK-ut për faturat e larta të energjisë elektrike dhe mungesën e përgjegjësisë nga institucionet kompetente. Kjo protestë do të vazhdojë me parakalimin e protestuesve drejt ndërtesës së Qeverisë së Kosovës.

“Ky është moment i madh. Kemi dalë për të ftuar popullin tonë , për të ardhur dhe për të treguar se janë kundër korrupsionit’’, ka thenë Dobroshi.

Marshi i nesërm do të zhvillohet me moton: “Kundër korrupsionit – Për zhvillimin e shtetit”. /Indeksonline/