Arvizu serish bisedime me Berishen dhe Ramen
Zhvillimet e fundit pas vendimit te KQZ-se kane riaktivizuar edhe nje here levizjet diplomatike te ambasadoreve. Ambasadori i Shteteve te Bashkuara te Amerikes ne Tirane Alexander Arvizu se bashku me ambasadoret e vendeve evropiane te akredituar ne Tirane kane pasur nje dreke me Kryeministrin Sali Berisha ne vilen qeveritare me numer 30. Mesohet se kjo ishte nje dreke lamtumire me rastin e mbarimit te mandatit te ambasadorit bullgar ne vendin tone. Pas mbarimit te drekes ambasadori Alexander Arvizu ka ngjitur shkallet e selise se Partise Socialiste per te disaten here gjate tri javeve te fundit ku eshte takuar me liderin e opozites Edi Rama. Takimi ka zgjatur per 50 minuta. Duke lene seline roze ambasadori Arvizu nuk ka preferuar ti pergjigjet pyetjeve te medias duke deklaruar se nuk kishte kohe. Nderkaq mesohet se trojka ka pasur edhe takime te tjera jashte politikes por qe burime diplomatike i konsideruan si te rendesishme me aktore qe kane te bejne me zgjedhjet.