“As Dua Lipa s’na ndalon dot”! Shkodra Elektronike të ftuarit e parë të PODFESTË
Podfestë nisi rrugëtimin e tij me të ftuarit e parë Shkodrën Elektronike fituesit e Fest 63 dhe përfaqësuesit e Shqipërisë në Eurovision. Nën moderimin e Drejtoreshës Artistike të Fest- 64, Elhaida Danit, por edhe në qoshen me pyetjet nga më pikantet e Olti Currit, dyshja shkodrane rrëfeu jo vetëm rrugëtimin në muzikë, kujtimet nga FEST- 63, por edhe pritjen e ngrohtë të publikut shqiptar, dhe jo vetëm, i cili i duartrokiti kaq shumë, Beatriçe Gjergjin dhe Producentin, Kolë Lacën.
Dyshja shkodrane fillimisht garoi në Festival pa e ditur se jeta e tyre artistike, dhe jo vetëm, do të ndryshonte tërërisht kur ata të dilnim fitues nga Festivali i fundvitit në RTSH.
“Nuk e mendonim kurrë se do fitonim. Fillimisht donim të prezantoheshim përpara publikut. Kur pamë emrin te lista përzgjedhëse u shokuam”, tha dyshja e Shkodra Elektronike.
Rrugëtimi i Shkodrës Elektronike edhe në Eurovision u shoqërua më të njëjtën eufori.
“Ne habiteshim sesi dëgjonim fansa që këndonin këngën tonë, këndonin bashkë me ne, aq më tepër në gjuhën shqipe, një gjuhë që nuk është aq e njohur sa ç’mund të jenë gjuhët e tjera”, tha dyshja e Shkodra Elektronike.
Një vit më pas Shkodra Elektronike vazhdon të ketë dashurinë dhe mbështetjen e publikut, ku gjatë kësaj kohe kanë publikuar edhe albumin e tyre dhe këngë të cilat janë pëlqyer nga fansat, ndërsa Beatriçe Gjergji rikthet në Festivalin e 64, këtë herë si kompozitore se bashku me të dashurin e saj, Marçelo Bateli, dyshja simpatike ka kompozuar këngën e një konkurrenteje të re shkodrane, Giti, e cila konkurron në Festival .
“Gitin e njoh qysh të vogël, Ajo më kërkoi një këngë, unë ja krijova dhe ajo e pëlqeu shumë, u çmend pas asaj kënge dhe më tregoi se do të konkurronte në festival. Është bukur të shkruash këngë për të tjerët”.
Por një ngacmim edhe më pikant Shkodrës Elektronike i erdhi pikërisht nga PR i Festivalit të këtij viti, Olti Curri i cili nuk nguroi të ngacmonte dy artistët sa i përket bashkëpunimit të tyre.
Por a mund të ndahen Bea dhe Kola?
Dyshja u përgjigj me finesë se as Dua Lipa nuk mund ti ndajë.
“Kush thërret Shkodrën Elektronike shkojmë të dy, nuk ndahemi asnjëherë”.
/rtsh.al/