Asambleja e PS-se kerkohet votebesimi i Kryesise
Kryesia e PS-se dhe Sekretariati drejtues i kesaj force politike pritet kete fundjave te perballet me nje situate mjaft delikate ne mbledhjen e Asamblese Kombetare te socialisteve. Deputete te PS-se kane deklaruar se ne kete mbledhje do te kerkojne votebesimin e Kryesise dhe te Sekretariatit te PS-se. Ndonese nje pike e tille nuk eshte perfshire ne axhenden e diskutimeve te kesaj mbledhjeje kerkesa ne fjale pritet te legjitimohet ne Asamble mbi bazen e mbledhjes se firmave te anetareve te saj. Per kete qellim do te shfrytezohet neni 33 i Statutit te PS-se i cili u jep te drejte 1/3 se anetareve te Asamblese qe te fusin per diskutim apo votim edhe ceshtje te tjera qe nuk jane perfshire ne rendin e dites. Njera prej ketyre ceshtjeve pritet te jete edhe kerkesa per votebesimin e institucioneve qendrore te PS-se si dhe e drejtuesve kryesore te saj. Me mbledhjen e firmave kerkesa i dergohet kryetarit te Asamblese Gramoz Ruci i cili eshte i detyruar ta kaloje per shqyrtim ne mbledhje.
Nisma
Ne krye te nismes per votebesimin e Kryesise dhe Sekretariatit eshte vene deputeti i PS-se Bashkim Fino. Sipas tij votebesimi ka si qellim qe funksionaret e larte drejtues te PS-se te marrin besimin ose jo edhe te kryetareve te rretheve qe ne baze te ndryshimeve ne Statutin e PS-se hyjne automatikisht ne perberje te Asamblese Kombetare. Perpos kesaj votebesimi ka si qellim qe te ndeshkoje edhe ata drejtues te PS-se qe nuk kryejne punen per te cilen jane zgjedhur.
Ceshtja e votebesimit te Kryesise aktuale dhe e Sekretariatit pritet te ngjalle jo pak debate. Ajo vjen edhe ne nje moment mjaft te brishte per partine me te madhe te opozites e cila ballafaqohet nga njera ane me vendosmerine e qeverise per te mos mundesuar nje zgjidhje te krizes politike dhe nga ana tjeter e perpjekjeve te maxhorances per te rrudhur ne Kuvend Grupin Parlamentar te PS-se nepermjet joshjes se deputeteve per te lene opoziten. Nuk eshte e qarte se cili do te jete epilogu i nismes se deputetit Fino per te mbledhur firmat per te votebesuar Kryesine qendrore te PS-se. I qarte eshte fakti se Kryesia aktuale prej kohesh duhet te kishte bere rinovimin e saj mbeshtetur edhe ne baze te Statutit te PS-se.
Asambleja
Socialistet e mbledhin forumin e tyre me te larte vendimmarres ne nje moment mjaft te trazuar nga pikepamja politike. Vetem dy dite me pare Brukseli vendosi te refuzoje kerkesen e qeverise Berisha qe Shqiperia te merrte statusin e vendit kandidat per ne BE. Kjo ishte nje shuplake mjaft e rende per qeverine te cilen opozita e ben pergjegjese per kete deshtim. Nga ana tjeter Asambleja mblidhet edhe pas rrezimit te ofertes se fundit qe kryesocialisti Edi Rama i beri kryeministrit Berisha per hetimin e zgjedhjeve te 28 qershorit gje qe do te conte dhe ne zgjidhjen e krizes politike. Kryefjala e reagimit te opozites pritet te jene protestat. Por se cili do te jete rezultati i tyre kjo eshte ende ne pikepyetje. Gjithsesi protestat ne fazen e pare arriten te sensibilizojne faktorin nderkombetar per anomalite serioze me te cilat perballet demokracia ne Shqiperi.
11 Nentor 2010