Assanges i refuzohet lirimi me kusht

Themeluesit te faqes se debatueshme te internetit Wikileaks Julian Assange ju eshte refuzuar lirimi me kusht pasi u paraqit ne nje gjykate ne Londer me nje urdher-arresti evropian.

Autoritetet suedeze duan te marrin ne pyetje ate per akuzat per krime seksuale duke perfshire akuzen per perdhunim.

Avokati i tij suedez Bjorn Hurtig i tha BBC-se se ai kishte shume shqetesime ne lidhje me menyren se si Suedia ishte duke trajtuar kete rast.

Policia britanike me heret arrestoje themeluesin e sherbimit mediatik Wikileaks Julian Assange.

Te henen autoritetet e rendit ne Britani kishin marre nje fletearresti nga Suedia ku Assange akuzohet per perdhunim.

Themeluesi i organizates mediatike Wikileaks Julian Assange qe ka publikuar shkembimet diplomatike sekrete duke zemeruar Uashingtonin po pergatitet te flase me policine britanike.

Assange i ka hedhur poshte akuzat. Nje nga avokatet e Assange ne Angli Jennifer Robinson tha se prokuroria suedeze nuk po ndjek praktika korrekte ligjore me klientin e saj.

Nderkaq Prokurori i Pergjithshem i Shteteve te Bashkuara Eric Holder e ka bere te qarte se punonjesit e tij po studiojne kodet ligjore per te ngritur padi ne lidhje me publikimin e dokumentave sekrete.

Ne kemi nisur nje hetim per nje ceshtje te rende penale. Po shqyrtojme te gjitha masat e mundshme ne perpjekje per te ndalur rrjedhjen e ketij informacioni tha Prokurori i Pergjithshem i Shteteve te Bashkuara Eric Holder.

Uashingtoni e ka akuzuar sherbimin Wikileaks se i ka ofruar Al Qaedas nje liste objektivash permes publikimit te te dhenave per objekte qe Shtetet e Bashkuara i konsiderojne me rendesi strategjike.

Te henen Zvicra bllokoi llogarite bankare te Julian Assange.

Wikileaks-it i eshte dashur te ndryshoje disa here edhe adresen ne internet pas nderhyrjeve te vazhdueshme te personave te paautorizuar ne faqen e sherbimit.