Athinë: Persona të panjohur kanë gjuajtur me armë drejt policisë

Policia greke është në kërkim pas personave të panjohur, të cilët kanë gjuajtur me “kashallnikovë” ndaj policisë nga njësia speciale DIAS.

Krisma ka ndodhur pas ndërtesës së Drejtorisë kryesore të policisë në Athinë. Në incidentin nuk ka të lënduar.

Thirrjes së policisë për të ndaluar, personat në makinë i janë përgjigjur me zjarr kallashnikovi duke qëlluar së paku 8 herë në drejtim të policisë.

Edhe kjo e fundit u përgjigj me armë, por nga shkëmbimi i zjarrit fatmirësisht nuk pati të lënduar.

Policia vazhdon ndjekjen e personave të armatosur, ndërkohë që disa minuta pas incidentit gjeti të braktisur makinën e tyre një mjet tip Volvo.

Policia beson se personat e armatosur ishin përgatitur për një grabitje, por nuk përjashton edhe mundësi të tjera.