Australi-Serbi, sfida që nuk vlejti

Në “Mbombela Stadium” të Nelspruitit, “kangurët” treguan forcën e tyre përballë ballkanasve, duke i bërë një mbyllje të këndshme aventurës afrikane. 2-1 ishte rezultati i kësaj sfide, që detyron të dyja përfaqësueset t’i japin lamtumirën Kupës së Botës.

Të tre golat u realizuan në pjesën e dytë, me australianët që kaluan në epërsi të dyfishtë (Kahil 69’ dhe Holman 73’), kurse për serbët shkurtoi diferencën Marko Panteliç gjashtë minuta para vërshëllimës së fundit të gjyqtarit uruguajian, Horge Laronda.