Australi, anija lëshon thirrje për ndihmë

Autoriteti Detar Australian është vënë në kërkim të një anije që ka lëshuar thirrje emergjence për ndihmë nga ujërat Indoneziane.

Incidenti vjen një ditë pasi udhëheqësit e të dy vendeve u zotuan për rritur bashkëpunimin në kontrabandimin e njerëzve, pas fundosjes së dy anijeve të mbushura me azilkërkues, muajin e kaluar.

Mendohet se është një anije që transporton në bord rreth 130-180 njerëz, sipas autoriteteve Australiane.

Anija ndodhej midis Ishullit të Krishtlindjeve dhe Indonezisë në momentin kur dërgoi sinjalin.

Autoriteti Detar i Shpëtimit u ka bërë thirrje për ndihmë anijeve tregtare në afërsi, ndërsa një anije e marinës australiane ndodhet në zonë.

Dy anije të ngjashme u mbytën muajin e kaluar në të njëjtin vend, teksa rreth 17 trupa u gjetën, ndërsa 110 persona u shpëtuan. Gjithsesi mendohej se anija mbante rreth 200 pasagjerë në bord.

Pak ditë më pas një tjetër anije u mbyt, ku humbën jetën 4 persona.